Ekkert er nýtt undir sólinni, sagði spakur maður forðum. Það sannaðist hér,

Mótið varð þó nokkuð sterkt, enda er þéttur pakki á eftir stórmeisturunum. Magnús Örn Úlfarsson tók nú þátt á Íslandsmóti að nýju eftir búsetu utanlands og sýndi fína takta. Annars einkenndist þetta mót af mikilli baráttu og alvöru átökum, þar sem engir voru annars bræður í leik, nema auðvitað Þorfinnssynir.

Í Áskorendaflokki sýndi Hafnfirðingurinn knái Sigurbjörn J. Björnsson öðrum keppendum skósólana og hafði tryggt sér sigur í mótinu þegar hann tapaði óvænt fyrir Jóhanni H. Ragnarssyni í síðustu umferð. Omar Salama náði honum þá að vinningum, en tapaði á stigum. Þeir tveir unnu sér jafnframt sæti í Landsliðsflokki að ári.