Póstlisti
Skráđu netfangiđ ţitt og fáđu tilkynningar sendar í tölvupósti
Nafn
Afskrá

 

 

Landsliðsflokkur Íslandsmótsins í skák

31. maí - 11. júní

Tónlistarskóli Seltjarnarness

Íslandsmótið í skák hefst þriðjudaginn 31. maí nk. Teflt verður í Tónlistarskólanum á Seltjarnarnesi við Skólabraut við úrvalsaðstæður. Til hliðar við skáksal verður annar salur þar sem hægt verður að fylgjast með skákunum á skjá. Aðstaða fyrir áhorfendur verður því afar góð.

Setning mótsins hefst klukkan 14:45 og mun Ásgerður Halldórsdóttir, bæjarstjóri Seltjarnarness, setja mótið og leika fyrsta leik þess.

Keppendalisti mótsins er afar spennandi. Þátt taka meðal annars stórmeistararnir Jóhann HjartarsonHjörvar Steinn Grétarsson og Héðinn Steingrímsson sem hefur Íslandsmeistaratitil að verja.

Það vekur óneitanlega athygli að á keppendalistanum má finna feðga og bræður. Bræðurnir Björn og Bragi Þorfinnssynir taka þátt. Það gera einnig feðgarnir Jóhann Ingvason og sonur hans Örn Leó. Þetta er í fyrsta skipti í 103 ára sögu mótsins sem feðgar eru meðal keppenda.

Heimasíða mótsins


Gunnar endurkjörinn forseti SÍ

Gunnar Björnsson var endurkjörinn forseti Skáksambands Íslands á aðalfundi sambandsins sem fram sl. laugardag. 

Stjórn SÍ á næsta starfsári verður að langmestu leyti eins og á liðnu starfsári. Stórmeistarinn Hjörvar Steinn Grétarsson er eini nýi stjórnarmaðurinn en hann tekur sæti í varastjórn. Sjálfkjörið var í öll embætti.

Tillaga um leyfa fjölgun erlenda skákmanna var samþykkt á fundinum. Leyft verður að stilla upp fjórum erlendum skákmönnum í stað tveggja.


Vignir Vatnar Íslandsmeistari í skólaskák

Landsmótið í skólaskák fór fram 6.-8. maí í Smáraskóla í Kópavogi. Vignir Vatnar Stefánsson (2227), Hörðuvallaskóla í Kópavogi, vann öruggan sigur í yngri flokki (1.-7. bekk) - vann allar sínar skákir sjö talsins. Róbert Luu (1684), Álfhólsskóla í Kópavogi, varð annar með 5½ vinning. Stephan Briem (1538), Hörðuvallaskóla, og Alexander Oliver Mai (1741), Laugalækjarskóla, urðu í 3.-4. sæti með 4½ vinning. Stephan fékk bronsið eftir stigaútreikning.

Mótstafla yngri flokks

Spennan var öllu meiri í eldri flokki (8.-10. bekk). Þar urðu fjórir keppendur efstir og jafnir með 5½ vinning. Það voru þeir Hilmir Freyr Heimisson (2079), Grunnskóla Vesturbyggðar, Aron Þór Mai, Laugalækjarskóla, og tvíburabræðurnir úr Smáraskóla, Björn Hólm (1946) og Bárður Örn Birkissynir (2052) efstir og jafnir með 5½ vinning.

Þeir munu heyja aukakeppni um titilinn sem fram fer fljótlega. 

Mótstafla eldri flokks

Landsmótsstjóri var Stefán Bergsson. Hann naut dyggrar aðstoðarar Björns Karlssonar úr Smáraskóla.

Myndaalbúm (SSB og GB)


Norðurlandamótið í skák 2016

Sastamala, Finnlandi

22.-30. október 2016

Norðurlandamótið í skák verður haldið í Sastamala í Finnlandi dagana 22.-30. október nk. Teflt verður í fjórum flokkum

1) Sjálfu meistaramótinu - 12 manna lokaður flokkur - þar sem hvert skáksamband á tvo keppendur. Ætlast er til að þeir hafi a.m.k. 2350 skákstig. 
 
2) Norðurlandamóti kvenna
 
3) NM öldunga (+50) - fæddir 1966 eða fyrr
 
4) NM öldunga (+65) - fæddir 1951 eða fyrr.
 
Ítarlegar upplýsingar um mótin fylgja með í PDF-viðhengi.

Reykjavíkurskákmót í 50 ár

Seinna bindi eftir Helga Ólafsson

Skráðu þig fyrir bókinni!


Ný reglugerð um val keppenda á HM og EM ungmenna

Sjá nánar hér.


ţriđjudagur 31 maí 05 2016
Nýjustu fréttir
Íslandsmótiđ í skák...
Íslandsmótið í skák hefst þriðjudaginn 31. maí nk....
Ársskýrsla SÍ...
Ársskýrsla SÍ fyrir starfsárið 2015-16 er nú aðgengileg...
Gunnar endurkjörinn...
Gunnar Björnsson var endurkjörinn forseti Skáksambands Íslands á...